Вечкемань валдо

Ансяк панжовсть автобусонь кенкштне, ломантне капшазь, мельга-мельцек совасть ардомапелентень ды мукшнызь эсь таркаст. Меельцекс совась од тейтерь ды марявсь, ардыцятнень юткс понгсь алкуксонь чипайне. Совамозо ульнесь валдонь кондямокс: сон сеске сыргозтинзе нувсиця, свал мезде-бути арсиця ардыцятнень. Валдо менель сельмензэ цитнесть кенярксов мизолкссо. Тейтересь кедьсэнзэ кирдсь розань пусмо. Сон ютась се пелев, косо седе аламо ломантнеде, стамбаркине витизе мазыйдеяк мазый якстере пусмонть, аравтызе мештензэ ваксс, аволизь мерька ардыцятне. Таго варштась цецятнень лангс, мизолдозевсь: Улема, ледстявсь тензэ сынст казицясь.
 Весе ардыцятне вансть тейтеренть ёнов, ансяк сон васололь сындест.
- Озадо, - стясь вакссонзо цёрась, сон сельмень апак сае вансь тейтеренть лангс.
- Сюкпря, - сэтьместэ мерсь тейтересь.
Сонзэ мазычись мольсь косто-бути потсто, ойместэ. Мизокссто пешксе сельмензэ варштасть вальмава, косо цят якшамось чиевтсь капшиця ломантнень. Кода ладясь сонензэ те вадря ёжось: кенярксов, уцяскав! Марявсь, ардыцятненьгак токшинзе кодамо-бути лембе, цецятнеяк каштансто аштесть кедьсэнзэ. Гайгезевсь тейтеренть телефонозо.
- Кунсолан, - сэтьме, чевте вайгельсэ мерсь сон. - Монгак тонь вечктян. Учан. Вастомазонок.
Автобуссо ардыцятне мизолдозевсть. Весе чарькодсть, мейсэ тевесь: чамасонзо сёрмадозель виев ёжо, певтеме чансть, конастонть пелькскетне, улема, токасть эрьвантень.
 Тейтересь седеяк пек лепштизе мештезэнзэ цецянь пусмонть. Цецятнеяк, мерят, маризь вечкемань лембенть, кивчкаезевсть мазый тюссост, автобусонь келес сравтовсь кенярксонь кандыця валдо - вечкемань валдо.


Татьяна Маторкина.
 
 
23.02.2018
 С Днём Защитника Отечества!
23.02.2018
 Русский вальс, посвящённый погибшим мокшанским воинам. Перевод Михаила Репина на эрзянский язык.
8.01.2018
 Просыпайся, Сандогорье !
7.01.2018
 С РОЖДЕСТВОМ!
6.01.2018
 Новое – это хорошо забытое старое

<<   февраль 2018    >>
Пн Вт Ср Чт Пт Сб Вс
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
24
25
26
27
28
 
 
 
 


Эрзянь ки. Культурно-образовательный портал. 2008

Литературный сайт Эрзиана  Аштема-Кудо, эрзянский форум    Меряния - Мерянь Мастор  


Flag Counter