ТАШТО КУДОСТО ОД КУДОВ ЮРТАВАНЬ ТЕРДЕМА

 

ТАШТО КУДОСТО ОД КУДОВ ЮРТАВАНЬ ТЕРДЕМА

ТАШТО КУДОСТО ОД КУДОВ ЮРТАВАНЬ ТЕРДЕМА

 

Бути од кудось теезь лия таркас, ташто кудонть кадомадо-калавтомадо икелс Юртаванть тердьсызь од кудов. Азоравась ацы кияксос мазый паця эли викшнезь нардамо, сюкони ниле ёнов ды пшкади:

 

Кудопь кирди Юртава,

Керень-чочконь паз-тиринем!

Сюконян пильгезэть,

Пшкадян валдо оймезэть,

 Марямак, кулямак.

Сыргатано од кудов-чив,

Од эрямов-аштемав.

 Адя мартонок вейсэ,

Иля кадово, иля мешкондаво.

 Бути ялго молевлить,

Сыргак мартонок ялго,

Бути ардозь молевлить,

 Сыргак мартонок ардозь.

Шождынестэ сайтядызь,

Чевтестэ озавттадызь.

Мазы пацясо вельтятадызь,

Козонъгак а правттадызь.

Авась кудонь ниле ужосто амольди васонькоморосо кошт ды састыне каясы пацянть лангс, мейле пацянть пензэ пурнасынзе вейс ды истя сайсы.

 

 

ОД КУДОС СОВАМО

 

Юртава марто пацянть азоравась састо путсы совамо кенкшенть лангс (кенкшесь панжадо), пацянть тетьксы ды энялды: совазо васняяк Юртавась. Мсйле кирвазтьсы Пазонь Штатолонть ды пшкади:

 

Кудонь кирди Юртава,

Керень-чочконь паз-тиринем!

Од кудос совамсто,

Од таркань чанстямсто

Сюконян пильгезэть,

Пшкадян валдо оймезэть:

 Келейстэ панжить кенкшензэ,

Сэрейстэ кепедить косяконзо,

Макст тенек од кудосо

Шумбра-паро эрямо,

Вадря эйдень трямо,

Ули-паронь таштамо;

Ванстомизъ-идемизь

Ормадо-тарводо,

Салыцядо, колыцядо,

Апаронь теицядо,

Толсо паломадо. ведьс ваямодо,

Эрьва кодамо зыяндо.

Кудонь кирди Юртава,

 Аштек кисэнек кевень пандокс.

Паз, чангодть! Паз, чангодть! Паз, чангодть!

 

Азоравась, вить пильгесэ эскельдязь, сови ды Пазонь Штатолсонть чанстясы весе кудонть (ужотнень, стенатнень, вальматнень каршо теи Чипазонь кирькс), путсы Штатолонть стувор лангс, лиси. Теде мейле азортнэнь эйкакшост (бути эсест арась, шабрань, ялгань эйде) нолды поровтонть трокс каткалевкс ды сови сонсь. Мейле совить весе лиятне.

МАРИЗЬ Кемаль

 http://vaigel.ru/article/48

 
 
20.09.2017
 Письма из провинции. Среднерусская Атлантида
8.09.2017
 О проекте «Доктрины размосквичивания»
13.08.2017
 Древние знания народа Масторавы и современная физическая картина мира
26.07.2017
 Памяти Артёма Тарасова
8.07.2017
 Вспомним о князе Петре и эрзянской ведунье Февронии...

<<   сентябрь 2017    >>
Пн Вт Ср Чт Пт Сб Вс
 
 
 
 
1
2
3
4
5
6
7
9
10
11
12
13
14
15
16
17
18
19
21
22
23
24
25
26
27
28
29
30
 


Эрзянь ки. Культурно-образовательный портал. 2008

Литературный сайт Эрзиана  Аштема-Кудо, эрзянский форум    Меряния - Мерянь Мастор  


Flag Counter