Стихи эрзянских поэтов о РАСЬСИИ

Стихи эрзянских поэтов о РАСЬСИИ

 

Монь Россиям


Сэняждыця менельстэнть, васолдо,

Ашопельтне неявить сиякс.

Иневедень шержей эйтнень ёндо

Ушодксонзо саи Россиясь.


Седеем кенярды мазычиденть.

Вечкевиксэм! Мон тонеть мерян:

- Монь Россиям! Ульть тон олячисэ.

Ансяк те кемемасонть эрян.

 

Паксятнесэ касы сырнень сюро.

Тусто вирть, лугат ды домка лейть…

Косто вастат сюпавчи тон зняро?

Ансяк кить улест седе келейть.

 

Тиринь ёнксось монень пек содавикс.

Мельсэнь кирдян ашо килейтнень.

Чиресэнть неявить тейтерь-авакс,

Прясо черест нурьгить леентень.

 

Чивалгомась палы кирвитолсо.

Лепамтьсы сонзэ чокшнень сувось.

Виренть песэ, велиненть маласо,

Россиядо гайнезевсь морось.

 

Седеем кенярды мазычиденть.

Вечкевиксэм! Мон тонеть мерян:

- Монь Россиям! Ульть тон олячисэ.

Ансяк те кемемасонть эрян.

           Моторкин Михаил Васильевич

 

 

 

 

Монь уцяскам


Россиядо сехте питнейть валон,

Сонзэ марто сюлмазь валдо чим.

Сонзэ ине тевтнесэ свал палан,

Эзганзо таргавсть певтеме ким.

 

Паксясо трудян мон, станок экшсэ,

Уцяскавокс вельть эсь прянть лован.

Кидеяк эсь лемем мон а кекшса,

Лемем — ине масторонь ломань.

 

Россиядо мором, Россиядо,

Сонзэ велькссэ сехте маней чись.

Минь тердтяно: инжекс тенек садо,

Вастомонк ливтяно сал ды кши.

 

Вечкевиксэм, седеем, Россия,

Тон оймес кирвастят лембе мельть.

Уцяска а эряви тень лия, —

Тон улят уцяскакс пингень перть.

          Ишуткин Николай Иванович

 


 

 

 

***
Ветиця прявтнэ Русенть свал
Келейгавтсть ды кемекстасть яла,
Эзть явше сонзэ палонь-пал
Ды ули-паронзо эзть салавт.
 
Кода ятнэ пеест эзть порть,
Ансяк виськсчама тенст сатокшнось.
Донской ли, Грозный, эли Петр
Кирдсть кеместэ сювордазь мокшнаст.
 
Ды мейлеяк – сялдытя тон
Сеть прявтнэнь, конат тензэ сатотсть,
Кинь пингстэ прасть Наполеон
Ды Гитлер, сехте азарсь ятось?
 
Сонсь пря эзь максне ды лездась
Свал сенень, ки понгонесь зыянс.
Пельсть ятнэ, ялгатне содасть –
Свал венсти оянь кедь Россиясь.
 
Аволь вейке мастор ванстовсь
Ды виензась флагонзо ало,
Ды эрясть ломантне ды ловсть
Эсь эрямонть уцяскавкс яла.
 
Но а неявикс давол стясь
Ды яки масторонок ланга.
Идема эйстэнзэ арась –
Эрямонть весе лувонть янги.
 
Народтнэ овсе стувтызь пряст –
Кармасть пелькстамо ды тюреме.
Сень, мезенть ансяк исяк шнасть,
Кармасть сялдомо ды панеме.
 
Кияк а кунсолы киньгак –
Гоморра ды содом истямо,
А маштат евтамс валсояк,
Прок сынь састь, меельць читне самай.
 
Ятонок уш а порить пейть,
Неить: пря чавтано эсь кедьсэ.
Ваныть морянь томбальде тей,
Дивсить тенек ды, нама, кецить.
 
Ютась шкась, зярдо Русенть ванстасть,
Келейгавтсть ды кемекстасть яла,
Ней сонзэ сезнить панксонь-панкс,
Ды ансяк нузяксось а салы.
Александр Кадоркин

 

В. Васнецов. Витязь на распутье, 1882


Евксонь сюжет
 
Велясь-чарась начко буря.
Керясь ливезев лишметь.
Лишмень ветицясь сюворясь
Бояравань штадо кедть.
Нурдтнэнь вакска чувтнэ чиить –
Умок ардыцят арасть.
Викшнезь пацякс ловонь сиясь
Полозатнень мельга прась…
«А васоло ули вирь,
Тосо эрить рузонь ава
Ды од эрзя-богатырь.
Кудост перька
Чопоньбелев
Тештне певерить цецякс.
Аволь умок церась, келя,
Теевсь вечкиця тетякс…»
Евкстнэ валдт,
Мерят, манеень,
Пештнить кеняркссо ойметь.
Течияк лецтнемстэст неинь:
Бурянь пачк ардыть лишметь.
Александр Доронин

 

К. Васильев. Нечаянная встреча, 1973

 

Именно эрзянским поэтам принадлежат лучшие стихи о РАСЬСИИ. Стихи Сергея Есенина, Числава Журавлева, Александра Арапова пронизаны насквозь расьсийским духом, болью за судьбу родины и родного народа.

 


В.Васнецов. Гусляры
 
x x x

Не в моего ты бога верила,
Россия, родина моя!
Ты как колдунья дали мерила,
И был как пасынок твой я.
Боец забыл отвагу смелую,
Пророк одрях и стал слепой.
О, дай мне руку охладелую -
Идти единою тропой.
Пойдем, пойдем, царевна сонная,
К веселой вере и одной,
Где светит радость испоконная
Неопалимой купиной.
Не клонь главы на грудь могутную
И не пугайся вещим сном.
О, будь мне матерью напутною
В моем паденье роковом.
Сергей Есенин

x x x

Туча кружево в роще связала,
Закурился пахучий туман.
Еду грязной дорогой с вокзала
Вдалеке от родимых полян.

Лес застыл без печали и шума,
Виснет темь, как платок, за сосной.
Сердце гложет плакучая дума...
Ой, не весел ты, край мой родной.

Пригорюнились девушки-ели,
И поет мой ямщик на-умяк:
"Я умру на тюремной постели,
Похоронят меня кое-как".
Сергей Есенин


***

Рунгот копачизь, тиринь Россия,
Верь ды рудаз, ды чопода ве.
Кие истяня нарьгинзеть, кие?
Ки теть анокстась эрямонь пе?

Таго эйкакшот икелев ваныть,
Састо кепедить новолезь пряст,
Таго апаронть стувтыть ды панить —
Учить, кодамо максыть тенст Власть.

Азоркс эстенек эряви улемс,
Кие соки ды солавты сталь,
Саты ульнекшнемс вешицякс, урекс,
Саты мендявозь аштемс, прок каль!

Лакак верьсэнек, сырне ды сия!
Кельме роса, пси прязонок прак.
Ансяк тонеть мон пшкадян, Россия:
— Авай, эйкакшот ванстамо стяк!
Числав Журавлев

Кевкстемат

Бути лейсэнть эрить ламо калт –
Те ули-паро!
Зяро эрзянь ёмавтынек валт?
Кие ёвты, зяро?

Эрьва тикшесь, цецясь кандсь эсь лем.
Те – таго-зярдо…
Чувтсо пангось мекс ней аволь сем?
Лосесь а сярдо?

Эрзянь валонь корёнт, Ине Русь,
Марян тонь лемстэ.
Бути минек валтнэ тонь кельс тусть –
Ки лиссь кинь эйстэ?

Нама, «росась», «сиясь» - эрзянь валт, -
Секс седейс совить.
Свал Россиясь тенек ава, свал.
Кить лиякс ловить!

Эрзянь келесь, теке сэтьме лей,
Пештиль морятнень.
Ансяк мекс илэсь вадинзе ней
Эсь лисьмапрятнень?
Числав Журавлев

* * *
Эрицятнеде велесэнть аламо —
Бабинеть, атят, одтнэ тусть ки ков.
Ошсто сакшныть аволь свадьбас — калмамо
Сетнень, кие эзь саеве ошов.

Кулость, кить умарь чувттнэнь мельга яксесть,
Чапсть срубт, стявтсть кудот ды скотина трясть.
Кадозь пиретнень саинзе палаксось,
Тарадтнэнь увтни пайстомо вармась.

Стакасто лекси модась марчонть ало,
Вельть кувать азорт корьмаесь учи...
...Россия, Русь... рудазов ки вальмало,
Ташто чаво кудынеть, сэтьмечи.
Александр Арапов
 


***

«Мезе, цёрат, моратано моро?!
Валтнэнь уш мусынек кодаяк!
Эрзянь моро серьгедтяно, цёрат:
Столесь сюпав, оймесь – седеяк!»

Ансяк ваныть, чатьмонить цёратне,
Прок кинь-бути учить – сеть а сыть.
Сормсизь коняст. Истя тарныть прятне,
Теке алкукс морамо арсить.

«Нать, истямо эрзянть уцясказо
Ды чанстензэ, нать, истямо шкась:
Ёмась эрзянь моронть содыцязо,
Нурдо ули – алаша арась».

«Те а истя! – стясь иредезь цёра,
Эрзятне содасызь эсь морост!!!
Чатьмонеде! Мон мораса моронть,
Эрзянь моронть «Ой, мороз, мороз…»
Александр Арапов

 

 

В.Васнецов. После побоища Игоря Святославовича с половцами (1880-90)

 

ПОЛОВТ

Зярдо гувныть чопода менельсэнть,
Теке тонолт, якстере половт,
Мерят пингтне човорявкшныть превсэнь,
Ливтить вакскам кезэрень коволт,

– Конат чентязь качамосо-толсо,
Пек умонть шкатнесэ качадыть.

...Степь неян... Сонзэ эзга кополсо
Лишмень косякт мезе вий ардыть.
Ды марян мон, кода сорны модась,

Сонсь эрямось буто аварьгадсь.
Сонзэ лангс таго ногаень ордась,
Верьгиз стаякс каявсь-уракадсь.
Эрьва енов ливтить налт, прок ендолт,
Прят-пильгть чавить тейтерть, ават, эйдть.
Степенть келес – качамо ды тонолт,
Полонязень лайшиця вайгельть.
Те монь модам аварди ды лайши,
Те мастором горяс-зыянс понгсь.
Оймесь толсо палы, тензэ бажи, –

Пингтнень пачк капшан лездамо монсь.
Ды друк весе емась – арасельгак,
Теке стака онсто мон менинь.
Тусть ногайтне, кекшевсть 
варманть мельга

Неень шкантень одов велявтынь.
Ансяк лецтнить половтне ютазденть
Неть тонолтнэ кезэрень Русьсэнть.
Ды икельгам вармась, теке ласте,
Вешкезь ливтясь ды ёмась степьсэнть.
Василий Демин


 

***
Монь симдьса, ведь,
Тонь эйсэ коське степенть,
Зярс пандтнэ ваясть
Чадыведень човс.
Мон симдьса рощанть,
Штобу лепеть кепе
Чиевельть тонеть,
Кандовольть цековт.
Нармунтне одс
Морасызь
Тонь уцясканть
Ды мерить сеск:
"Мастор лангс тундо сась!"
Мон симдьса, ведь,
Моданть,
Штобу Россиясь
Аволь сода, мезе те

Коське шкась.

Александр Доронин

 

 

В.Васнецов. За водой (1880)

 

РОССИЯСО

Россиясо, минек Россиясо

 

Килей ведесь лечи сэредицят.

 

Од килейтне, валдомтозь сиясо,

 

Ки чирева неявить чиицякс.

 

Россиясо, минек Россиясо

 

Гайгезь гайги родной эрзянь келесь,

 

Сонзэ эйсэ кортат – ёжось касы,
 
Сонзэ эйсэ морат – ливти мелесь! 
Александр Доронин

 

 
Сборник будет пополняться новыми стихами

 

 
 
19.04.2017
 Яков Кулдуркаев ЭРЬМЕЗЬ Ёвкс кезэрень пингеде
16.04.2017
 ИНЕ ЧИ МАРТО, ЭРЗЯТ!
15.04.2017
 Эрзянь келень Чи матро !
13.04.2017
 Фильм о народе эрзя
9.04.2017
 Эрзянские керемети не просто стереть с лица земли

<<   апрель 2017    >>
Пн Вт Ср Чт Пт Сб Вс
 
 
 
 
 
1
2
3
4
5
7
8
10
11
12
14
17
18
20
21
22
23
24
25
26
27
28
29
30


Эрзянь ки. Культурно-образовательный портал. 2008

Литературный сайт Эрзиана  Аштема-Кудо, эрзянский форум    Меряния - Мерянь Мастор  


Flag Counter