ОД ИЕНЬ, МАСТЯНЬ КАЛЯДАМОТ

ОД ИЕНЬ, МАСТЯНЬ КАЛЯДАМОТ

 

***

Каляда! Чачи сюро чачозо,

Каляда! Масторонзо лазозо.

Каляда! Уреж, панжт, пильгем палсть,

Каляда! Якинь сюрот варштамо:

Каляда! Ажияшка олгозо,

Каляда! Чирькень кувалмсо прязо,

Каляда! Ал тюжашка зерназо.

Каляда! Уреж, макста сюкоро!

Каляда! Бути максат сюкоро,

Каляда! Чачт ашо пря церыне.

Каляда! Бути а максат сюкоро,

Каляда! Чачт тазов пря тейтерне.

Каляда! Лавця ланга чийнезэ,

Каляда! Дроба парьс ваязо,

Каляда! Помиласо нерьгезэ,

Каляда! Коцькерьгансо таргсезэ,

Каляда! Топо прякат каразо.

 

 

 

***

Каляда! Бабам пансь прякинеть,

Каляда! Койминесэ кайсинзе,

Каляда! Коцькерьгансо таргсинзе,

Каляда! Лавця ланга ладсинзе.

Каляда! Сельме неи, кедь а саты.

Каляда! Покштям пидесь пия чан,

Каляда! Мольсь букине, симизе.

Каляда! Косо, косо букинесь?

Каляда! Удалць ортава оргодсь.

 

***

Каляда! Сюк тенк тынденк,

Каляда! Минь сынек тыненк,

Каляда! Тынь моледе миненек!

Каляда! Сэдь песэ кудонок,

Каляда! Ведьс ваныть вальманок,

Каляда! Стядо керень кенкшенек,

Каляда! Стядо лазонь ортанок,

Каляда! Сувтемесэ пиянок,

Каляда! Варьга потсо винанок.

Каляда! Кудазоро содазо,

Каляда! Колмо прякат максозо!

 

 

 

***

А, каляда, каляда! Течи чизэ каляда!

А, каляда, каляда! Ванды чизэ Роштува!

А, каляда, каляда! Ламо прякат валядо!

А, каляда, каляда! Коли максат пряка,

А, каляда, каляда! Чачтат цера тяка.

А, каляда, каляда! Томбаланга чийнезэ,

А, каляда, каляда! Толга паргс празо.

А, каляда, каляда! Коли а максат пряка,

А, каляда, каляда! Чачтат тейтерь тяка,

А, каляда, каляда! Томбаланга чийнезэ,

А, каляда, каляда! Чапакс парьс празо.

 

***

А, каляда, каляда! Бабай, макста пряка!

А, каляда, каляда! Каткась салызе.

А, каляда, каляда! Каткась косо?

А, каляда, каляда! Покш вирев оргодсь.

А, каляда, каляда! Покш виресь косо?

А, каляда, каляда! Пшти узере керизе.

А, каляда, каляда! Пшти узересь косо?

А, каляда, каляда! Кузницясо.

А, каляда, каляда! Кузницятне косот?

А, каляда, каляда! Палы тол пултынзе.

А, каляда, каляда! Палы толось косо?

А, каляда, каляда! Чадыведесь мадстизе.

А, каляда, каляда! Чадыведесь косо?

А, каляда, каляда! Сермав бука симизе.

А, каляда, каляда! Сермав букась косо?

А, каляда, каляда! Пшти пеелесь печкизе.

А, каляда, каляда! Пшти пеелесь косо?

А, каляда, каляда! Бояронь садсо

А, каляда, каляда! Ашо човарс пезнавтозь.

 

 

Работы по дереву выполнены талантливым эрзянским резчиком

Александром Алексеевичем Наумовым

 

erziana.my1.ru/publ/stikhi/od_ien_mastjan_kaljadamot/2-1-0-827

 

 
 
19.04.2017
 Яков Кулдуркаев ЭРЬМЕЗЬ Ёвкс кезэрень пингеде
16.04.2017
 ИНЕ ЧИ МАРТО, ЭРЗЯТ!
15.04.2017
 Эрзянь келень Чи матро !
13.04.2017
 Фильм о народе эрзя
9.04.2017
 Эрзянские керемети не просто стереть с лица земли

<<   апрель 2017    >>
Пн Вт Ср Чт Пт Сб Вс
 
 
 
 
 
1
2
3
4
5
7
8
10
11
12
14
17
18
20
21
22
23
24
25
26
27
28
29
30


Эрзянь ки. Культурно-образовательный портал. 2008

Литературный сайт Эрзиана  Аштема-Кудо, эрзянский форум    Меряния - Мерянь Мастор  


Flag Counter