Литературное творчество эрзян: Боляень Сыресь.




Тетянень, Григорий Петровичнень алтави…

  

   Те сон, ды авазо, монь бабам, Матрёна Алексеевна, тейтерь шкане Бутяйкина, кадсть таго-мезе монень тоначис туемадо икеле…  Ды те таго-мезесь ве чистэ невтизе прязо, кайсь монь апак кевкстне ды кармавтымим вешнеме ёмавтозенть… Косто вешнемс? Эзь ёвта… Ансяк марявить вайгелест: - Тонсь цёрам… Тонсь…
    Тетям кадовсь куломазонзо сакулькань эрзякс. Сакулькань «вантай» валось, кадовсь тетянь кельсэнть весе эрямо пингезэнзэ. Раксесть лангсонзо, лиясто, Ташто Селищань эрзянтне: - Ванодо, Вантай моли… Сырявам лемдясь эйсэнзэ «Гиня». Те шкас маряви тень вайгелезэ:  – Вай, Гиня с-а-а-сь…
 

 
Тетянень, алтави… 

 

Тетяй, вантай,
Теке кивесэ артозь менелесь,
Вантай, уить,
Чудить стакасто та-косто пельтне.
Сиянь байгекс!
Кирьга маласо цитни пеелесь,
Пелян… Айган…
Гайгить удемсэм арсема мельтне.
 
Тетяй, вантай,
Ратор томбале раужкадсь виресь,
Вантай, эрькесь,
Кекшезь Раторонь раужо ведьсэ.
Тетяй, рангстан,
Кудот сявордозь, килееть чиремсь…
Тетяй, ранган,
Рузонь кельсэ корты эрзянь велеть!
 
Тетяй, ёвтак,
Ков эзь пачкоде янгиця кедесь?
Ведь а корштат,
Чуди лейтнева наксадо ведесь,
Кирдивийсэнть,
Рузонь прявтнэ ды рузыязь «мордват». 
Яжить, пивсыть!    
Кода раськенть идесынек, кода? …
 
Тетяй, кода?
Кода эрямс авидечинть ютксо?
Тапазь, кодазь,
Теке комолят, витнемс аютко,
Чиезь, ардозь, 
Ков капшатано, кияк а соды….
Симезь, ярсазь,
Теке ракшат ютатано модас…
 
Эйдем, содан,
Мелявтомась аволь куля ютксто,
Майсян, стоман,
Каштмолема ашти эрзянь юрсо,
Койтне лазозь,
Раськесь сюлонзо кирьгас тапари        
Эрзянь пазось,
Рузкс а чарькоди, эрзякс а мари!
 
Ве вайгельсэ,
Ансяк саразт пансемс пире пестэ,
Кавто вайгельс,
Мороськак велень келес маряви,
Зярдо раськенть
Вейсэ вайгельтне сюлмазь кеместэ,
Ансяк сестэ
Вешеманок пазонтень редяви!
 
Паряк, саты,
Эрямс пульзядо, кумажа лангсо?
Аволь стяко,
Эрзянь вересь валозь эрзянь сансто!
Минек долконть,
Кияк  миденек башка а пандсы,
Эрзят стядо,    
Ве Бажамос,
Ве Мельс,
Вейсэнь Морос,
Инешкипазось эйсэнек вансты!
 
Боляень Сыресь
Киев ош, эйзюрков, 16 чистэ.
 

 

Лия кельс ютавтомась ванстазь авторонть амеремасонзо. Перевод на другие языки запрещён автором

 

 

 

***

 

Взглядом в зеркале споткнусь - волос сивый. 
Прикоснется к сердцу грусть веткой ивы.            
Закружит, зажмет тоска, забуранит.                     
Не до дела. Не до сна. Даль поманит.                  

И лечу туда, где Пьяна в тумане                          
Заплутала в пойме раннею ранью,                       
Где росы слеза в предутренней тени                     
Лечит лучше мумия и женьшеня,                          

Где коса в руках певуча…, крылата…                     
В доблесть прадедов своих веришь свято…     
Нет, не скошенной травой опьянило,    
Точно помню: здесь я жил, в моих жилах   

Кровь кипит, и сердце просится в небо,           
И смешались - не разлить Быль и Небыль.           
И смешались, не разнять, Я и Кто-то,                
Конь, как будто, не меня мчит галопом…            

… и зовет идти в луга утром ранним          
Сквозь века суровый прадед эрзянин.        
 
Я живу, от ветра сердце не прячу.           
Хлеб военный хоть горчит, всё ж горячий.    
И стою я -  виноватым, неловким,                  
Как мальчишка, перед предком далеким.  
 
 

 

Пелевень арсемат                   

 

                                                               Садо эрзят садо ялгат
                                                  Вейсэнь моро моратано!                                                                    
                                                  …Вейсэ эрзят мазыйтяно                                                                          
                                                 Вейсэ эрзят виевтяно                                                                                      
                                                                    Маризь Кемаль

 

 

 

 
А саи удомась. Ёмась сэтьмесь. Мезть мартон?
Терди таки васов, ды валонзо а марявить, солыть тусто, чопода венть коштсонть. Арсян.  
Тиринь келем!
Ванан кода яттнэ лаксить тенть кандолаз. Лексить лаксезь…  Кенярдозь капшавтыть тонть куломанть.
Ды,…мень  тамаша?
Муевсть эйкакшонткак ютксо яттонтень лездыцят!
Нетнеяк учить зярдо мадьстявттадызь те кандолазонтень.
Чао прят! Ундо седейть!!!
Сынь тешкас а содыть те кандолазонтень тонть а кельгемадонть!!!
Нама, сынь онкстызь тонть кувалмот, ды сэреть, ды келей рунгот!
 Ды мезе?
Сынь теизь те тевенть, эсь вишка, коткудавонь оймесэст, синь ёжосост, пелкапряшка мельсэст.
 Паряк, сынь а содытькак тондеть мезеяк?!
А онкстави синтенть ды коткудавонтень масторонть келезэ, Раторонть кувалмозо, ёндолонть сэрезэ!
Лексить лаксить!
Сынь а содыть тонть келеденть, кона весе мастордонть седе келей!
Сынь а содыть тонть кувалмодонть, кона весе лейтнень, вейс поводезь, кувалмодонть, седе кувака!
Сынь а содыть тонть сэрденть, кона менельс ды седе тов кепедеви!
Сынь а содыть тонть стомбадонть, кодамо иневедтнесэяк арась.
Лексить лаксить…
Зняро ульнесть истят калмицят?!
Косот сынь?
 Ёмасть чоподас, леместкак ламонь эзть кадово.
Ды тиринь келесь эри! Келесь моры! Келесь кирдеви!
Келесь соды:
Учовить тензэ эйкакшонзо!
Пурнавить сынь перьканзо, цёрат ды тейтерть!
Ды нежетьсызь сонзэ виев кедьсэст, ды кепедьсызь сонзэ верев, ды туи парсте седе тов тиринь кельсэ  кортыця Раськенть эрямозо…
Те коесь истямо! Лиякс кодаяк!
Кельтеме арась Раськесь. Раськевтеме арась тиринь Масторось.
 Эсь Мастортомо арась утяскав эрямось. Арась, ялгат!
Нама, кияк мери: - шабра пиресэяк муеви ярсамопелесь!
Нама муеви! Важотненень!
Ванан лаксицятнень лангс ды мизолдан, кодат пезерят!
Ванан лексицятнень лангс ды вешнян сельмсэнь, ды учан: - эрзят, косотадо?
Ванан ды энялдан Инешке Пазонтень:
Лездак, эсь Раськентень!
Шкась сась!
Садо, эрзят!!!
Морасынек вейсэнь моронть вейсэ!!! 
Эрязо Эрзянь масторось!!! 

 

 

Весе тынк, Боляень Сыресь
04.12.2011 Кияв ошось
 
 
Переводы на эрзянский язык

 


  
 

ОДИНОКАЯ ГАРМОНЬ

 

Снова замерло всё до рассвета -

Дверь не скрипнет, не вспыхнет огонь.

Только слышно - на улице где-то

Одинокая бродит гармонь:

 

 То пойдет на поля, за ворота,

 То обратно вернётся опять,

 Словно ищет в потёмках кого-то

 И не может никак отыскать. 

 

 Веет с поля ночная прохлада,

 С яблонь цвет облетает густой...

 Ты признайся - кого тебе надо,

 Ты скажи, гармонист молодой. 

 

 Может статься, она - недалёко,

 Да не знает - её ли ты ждёшь...

 Что ж ты бродишь всю ночь одиноко,

 Что ж ты девушкам спать не даёшь?!

 

Таго каштмоли тундонь пертьпельксэсь,

Цеця лопинесь прамсто чары…

Ансяк вачкои цёковось лейсэ

Ды гармошкась васолдо моры. 

 

Яки чопода велеванть цёра

Теке учи сон валдома шка,

Ёвтак миненек, киде тон морат,

Евтак кодамо тейтерь вешнят?  

 

Паряк, уцяскат аволь васоло,

Паряк, мазыйкась эйсэть учи

Эрзянь мородонть седейзэ солы

Эрьва онсонзо чиямо чи. 

 

Таго каштмоли тундонь пертьпельксэсь,

Цеця лопинесь прамсто чары…

Ансяк вачкои цёковось лейсэ

Ды гармошкась васолдо моры.

 

  Слова М. Исаковского,  музыка Б. Мокроусова

  Ютавтызе эрзянь кельс Боляень Сыресь
 
 

 

***

Слышу
Снова в небе хмуром
Речи ветра. Столько раз
Спрашивают:
"Это Муром?".
Отвечаю:
"Арзамас!".
Что такое Арзамас?
Эрзя. Люди вроде нас.
То есть люди с чудесами,
С голубыми небесами вместо глаз.

***

Варма
пуви, летьке коштось,
Натой сизинь, Нешкепаз!
Мекев кевкстнить:
«Муром ошось?»
Аволь, ялгат:
«Арзамас!»

Мейсэ смустесь –Арзамас?
Эрзят. Кемить уцяскас.
Панжозь менель сельмень таркас
Казнесь сынест Верепаз!

 Леонид Мартынов

Ютавтызе эрзянь кельс Боляень Сыресь

 
 
***
Вечкемс - а мери вечкемась!
Кирдемс - а муеви питне!
Шкань вишкапельксэзэ эрьвась,
Минек ризнэматнень витни.

Кавонек …ве паламосо,
Човор - турватне, седейтне.
Арась идемась комболкссо,
Цёковтнэ авардить лейсэ.

Ёжов жорномасонть велязь
Олят монень иляк максо,
Чокшненть сёлмонзо менелесь
Эндинзе латопрянь ладсо…

Вечкемась се - кона вейкесь
Секс сон питнедеяк питней
Уцяскав шкань вишкапельксэсь
Минек ризнэматнень витни.

А ваят летьке ваномас,
Содак, лымбакстнезь чиретнень
Фантасмагориянь коряс
Ванстасызь читне ды ветне.

Мусынек даволга ношкстазь
Уцяскань кекшезь томбаленть!
Ризнэмась певери порксазь,
Вечкемась пурнасы аленть.
 
Вечкемс - а мери вечкемась!
Кирдемс - а муеви питне!
Шкань вишкапельксэзэ эрьвась,
Минек ризнэматнень витни.

Василь Стус
Ютавтызе эрзянь кельс Боляень Сыресь

 

 
 
19.04.2017
 Яков Кулдуркаев ЭРЬМЕЗЬ Ёвкс кезэрень пингеде
16.04.2017
 ИНЕ ЧИ МАРТО, ЭРЗЯТ!
15.04.2017
 Эрзянь келень Чи матро !
13.04.2017
 Фильм о народе эрзя
9.04.2017
 Эрзянские керемети не просто стереть с лица земли

<<   апрель 2017    >>
Пн Вт Ср Чт Пт Сб Вс
 
 
 
 
 
1
2
3
4
5
7
8
10
11
12
14
17
18
20
21
22
23
24
25
26
27
28
29
30


Эрзянь ки. Культурно-образовательный портал. 2008

Литературный сайт Эрзиана  Аштема-Кудо, эрзянский форум    Меряния - Мерянь Мастор  


Flag Counter