ЛЕЕНТЬ ОЖОСО ПУРГСИЗЬ...

Жданкина Галина Николаевна чачсь 1949 иень якшамковонь 1-це чистэ Перьмезьвелесэ, кона Нижегород ёнксонь Покш Болдина буесэ. Ламо иеть важоди ушодкс классонь тонавтыцякс чачома велень школасо. Ламо ловны, ютко шкасто сёрмады стихть. Вана зярыя эйстэст. Чачсь Галина Николаевна войнадо мейле. Ялатеке те апарось седеензэ вакска эзь юта. Те неяви сёрмадовкссонзо.

***

Нишкепазонтень эрьва чи чекан,

Сыре аванень шумбрачи вешан.

Колмо цёрат сон мода лангс нолдась,

Колмо тейтерть сон масторонтень кастсь.

Сыречись тензэ апак учо сась,

Ды тундонь ловокс шумбрачись ёмась.

Сон вальманть вакссо ськамонзо ашти,

Чоподанть пачка Алопев ваны.

Учи, цёранзо-урьвинензэ сыть,

Кенкшесь панжови - тейтертне совить.

Весе седейсэ самозост кеци,

Ярсамопельнеть столенть лангс тарги.

Сонзэ лангс ванозь, седеем ризны,

Вай, курок, курок авам а ули.

Модань пингезэ авань эль ютась,

Тоначив менди-уски вармась шкась.

Верепазонтень эрьва чи чекан,

Тиринь аванень шумбрачи вешан...

***

Раужо куля минек велес сась:

Немецтнень марто покш война сыргась.

Вай, цёрат-ушмант велестэнть лисить,

Семияст кисэ тюреме ютыть.

Войнань паксятнень рунгосоcт вельтизь,

Нист ды эйкакшост сынь уш а несызь.

Чачома ёнксонть кисэ пряст путызь —

Моданок лангсто немецтнень панизь.

Товзюронь паксясь чевтьстэ алост мадсь,

Сырнень розьпрятне вельксэзэст комасть.

Чова пиземне сынст авардинзе,

Чевте вармине, вай, кутморинзе.

Калень лопатне рунгост тавадызь,

Вере норовжоржчт ойминест служизь.

Виев пурьгине ледстнемгаст зэрькстась,

Чопода чокшнесь сырнень тештть

кирвазтсь.

Пиземечирькесь менельс кузтинзе,

Пазонть икелев ёндол ветинзе...

Доватне учость ды самозост кемсть,

Авань седейтне зяро пиштсть-ризнэсть.

Эзть учово сынь кежей войнастонть,

Кудов эзть велявтт азарсь таркастонть.

Сельмест, авардезь, нитнень чополгадсть.

Авань седейтне ашо куловс палсть.

Вай, а шкастонзо мода потс сынь мадсть,

Пек ламо сельведть куломасост кандсть.

***

Ансяк исяк килейбулось

Ожо лопасо тошксесь,

Течи тарьксэв варма пувась,

Сырнесь мода лангс певерсь.

Прасть лопатне велязь-киштезь,

Яннэнть пацясо вельтизь.

Килей алкстнэ, мерят, викшнезь,

Леенть ожосо пургсизь.

Кшись пурназь, модарькась таргазь...

Ломантнень седейсэст паро.

Кодак пуви сёксень вармась,

Учотано ловонь прамо.

 

 

 

***

Мон те чинтень ашо прякат панинь,

Столенть ланга од коцтке ацынь.

Течи сыть тень инжекс монь нуцькинем,

Вельть конатнень телень перть учинь.

Кудо потмось пешкеди вайгельдест,

Озяз ладсо кармить викнеме.

Сынст лангс ванозь монь седеем солы,

Карман сыненст ёвкскень ёвтнеме.

Эрзянь валтнэнь нуцькан нилезь нильнить.

Сынь монь кондякс эрзякс чоледить.

Тень лангс ванозь марян мелем касы, касы,

Тиринь кельсэ мартом кортнить сынь.

Ванды мольтяно лей пряв экшелямо,

Сиянь ведьсэ кармить пургксеме,

Манеесь сынст карми кутморямо,

Ведень мазысь мартост налксеме.

Велень тевтнеде нуцькан а пелить,

Модамарть ды мезть лият вальсить,

Сетне жо, конатне зярс вишкинеть,

Луга ланга вальмало чийнить.

Кизэнь перьть велесэ шканть ютавтыть,

Ялгаст марто паксява чийнить.

Ды зярдо сы шкась ошов туеме,

Сад пиресэ састыне налксить.

Велесэ чийнесть эсест олясо.

Мелень каршо сынст ошов ускить.

Мон кортан тенст чевте-чевте валсо:

Телень ютазь таго мекев сыть.

Кармить сияждомо сынст сельметне,

Монь валтнэнень седейсэст кемить,

Содан, содан тельня рузонь ошсо

Сеедьстэ эрзянь кельденть арсить.

Кадык сон цитни тенст валдо сяткокс,

Кадык Данконь седеекс палы.

Кадык бабань-покштянь эрзянь келесь

Сыненст нежекс покш ошсо ули! 

Из газеты "Эрзянь Мастор"

 

 
 
13.08.2017
 Древние знания народа Масторавы и современная физическая картина мира
26.07.2017
 Памяти Артёма Тарасова
8.07.2017
 Вспомним о князе Петре и эрзянской ведунье Февронии...
5.07.2017
  Удивительный дом в Костроме дал отпор поборам управляющей компании
13.05.2017
 Петушок и Кошечка: Экранизация эрзянской народной сказки

<<   август 2017    >>
Пн Вт Ср Чт Пт Сб Вс
 
1
2
3
4
5
6
7
8
9
10
11
12
14
15
16
17
18
19
20
21
22
23
24
25
26
27
28
29
30
31
 
 
 


Эрзянь ки. Культурно-образовательный портал. 2008

Литературный сайт Эрзиана  Аштема-Кудо, эрзянский форум    Меряния - Мерянь Мастор  


Flag Counter