2017 ОД ИЕ МАРТО! Шумбрачи ды уцяска весеменень!

***
Новольсь ташто иесь,
Стясь Од иень чись
Ды, прок эйкакш, чиезь
Веленть куншкас лиссь.

Совась минек кудос,
Валгсь столенек экшс.
Мезе тосо путозь - 
А кельгстяви пекс!

Столенть экшсэ - пакшам,
Вакссом - мазый ним - 
Сынст мон шнамо капшан,
Сынь - монь сюпавчим.

Ташто ие, мерян
Сюкпря теть сень кис:
Живан, ломанькс эрян - 
Сован яла вийс.

Тонь каршо, Од ие,
Кода эрси свал,
Кадык эрьва кие
Канды кши ды сал.

Числав Журавлёв

 

Шумбрат, Од ие!

Сыть прок азор,
Мазый, виев...
Сыть кенярксокс
Тон, Од ие!
Совить ошов, 
Токить велев.
Весень тердят
Тон икелев.
Тердят тевс,
Валдот бажамот:
Арсят-алтат
Изнявкст ламо.
"Эсь уцясканть
Ванстынк!" - кортат.
Од эрямос Панжат ортат.

Павел Любаев

 

 

 

Од иеде ёвкс 

Мазылгавтозь весе ошось,

Ков иля кая вановтт!

Мизолкстнэде пешкедсь ушось.

Ловось кутмори лавтовт!

 

Эрьванть седейсэ кемема —

Од иесь уцяскакс пры!

Кази кенярксов арсемат,

Каштанкс таштонть ваксс ары.

 

Ансяк ней вельмекшни ёвксось — 

Якшаматясь тенек сы!

Колмо сярдос кильдезь нурдось

Миненек сонзэ усксы.

 

Бути ливти сон менельга,

Тешттне невтьсызь Каргонь Кинть.

Ков валдось срады пертьпельга,

Келя, иляк стувто кинть!

 

Тесэ сонзэ учить ракшат —

Кузонть перька сынь киштить.

Покш ломанть ды вишка пакшат 

Якшаматянтень кецнить!

Марина Слугина

 

  

Ловняське


Машань кудов а совавтсак:

Чийни сокссо, кирякстни...

Якшамосо а тандавтсак —

Чоп сон телентень кецни!

 

Чаминезэ тантей кстыйнекс

Теевсь — якстерьстэ палы,

Сельминензэ — сэнь цецинеть

Ловоськак эйстэст солы!

 

Вана ушов лиссь авазо:

— Совак, рунгинеть кельми!
Тейтерьказо, теке басом:

— Монень тесэ псиде пси!

 

Косто Маша кельмевтеви,

Бути чийни киринекс?

«Тон, тейтернем, нать, теевигь

Якшаматянь нуцькинекс!»

Марина Слугина

 

 

Од иень каршо кемематне вельмить,

Учат уцяска поровтонть икеле.

Талномась – мелень. Седеесь эзь кельме,

Ансяк сон теке мезде-бути пели.

 

Талномась – мелень, аламодо олась.

Менеленть каршо ашти оймесь штадо:

Пурны од валдо… Косо мелень толось?

Шешкизь сонзэ а мезень теемадо.

 

Таго од вармат вешкить-рангить велькссэть,

Таго од корёнт нолдтневель кенярксось.

Капшат тееме од эрямос эскелькст,

Стувтомо иенть, кона ризкссэ карксась.

 

Од ие каршо кемематне вельмить…

Учат…Мезе? Теде тонськак а содат.

Кенярксось вейке – седеесь эзь кельме

Ды зярс виеват, манчевицят, одат…

 

Александр Арапов

Зимняя песня для Зои

 

Дорогу к дому вьюга запорошила,

снег серебрится и глаза слепит.

Ты приезжай в мой уголок заброшенный,

у нас зима на ветках ёлок спит.

 

А снегири рябиновыми гроздьями

на соснах, словно в сказочном лесу,

по снегу под сияющими звёздами,

в дом песню я в ладонях принесу.

 

Ты приезжай и вечерами длинными,

когда в печи живой огонь горит,

Я увлеку рассказами былинными

и песней, что чарует и манит.

 

Снежинки  в танце за окошком кружатся.

Стучит в окно, поёт метель, пурга.

Горит огонь и музыкою вьюжатся

лебяжьим пухом белые снега.

Валентина Налогина

 

 
 
19.04.2017
 Яков Кулдуркаев ЭРЬМЕЗЬ Ёвкс кезэрень пингеде
16.04.2017
 ИНЕ ЧИ МАРТО, ЭРЗЯТ!
15.04.2017
 Эрзянь келень Чи матро !
13.04.2017
 Фильм о народе эрзя
9.04.2017
 Эрзянские керемети не просто стереть с лица земли

<<   апрель 2017    >>
Пн Вт Ср Чт Пт Сб Вс
 
 
 
 
 
1
2
3
4
5
7
8
10
11
12
14
17
18
20
21
22
23
24
25
26
27
28
29
30


Эрзянь ки. Культурно-образовательный портал. 2008

Литературный сайт Эрзиана  Аштема-Кудо, эрзянский форум    Меряния - Мерянь Мастор  


Flag Counter